Doppa

2007-01-24T11:14:00.000Z

Allir að mótmæla Gvantanamóbúðunum. Smellið á borðann hérna til hægri og komið með í ferðalag til Kúbu til að loka búðunum.

Takk takk

2007-01-05T09:38:00.000Z

Ný heimasíða

Jæja, nú eru við skötuhjúin komin með heimasíðu, endilega kíkið á hana. Mest eru þetta myndir, sem við (Logi) hefur tekið héðan og þaðan. Þið getið skoðað síðuna hérna

2007-01-02T16:20:00.000Z

Gleðilegt ár öllsömul.

Jólin liðin í góðu yfirlæti fyrir norðan og áramótunum eytt í sprengibrjálæðinni hérna í Reykjavík. Alveg yndislegur tími með fjölskyldunni, svona eins og jólin og áramótin eiga að vera.

En ég verð nú að segja að ég er ekki mjög hrifin af þessu flugeldastandi um áramótin. Jú jú það er allt í lagi að horfa á nokkra flugelda en mér finnst þetta nú vera að fara út í öfgar. Sérstaklega öll mengunin sem fylgir, hérna í borginni sást varla milli húsa fyrir mengun og svifryksmengunin á gamlárs var svo mikil að ekki náðist að mæla hana. Mikið er nú yndislegt að standa úti á gamlárskvöld og anda þessu ógeði oní lungun á sér. Svo er verið að tala um skaðsemi reykinga.

Síðan eru það allar umbúðirnar sem liggja út um allar götur og ekki eru eigendurnir að tína upp eftir sig. Flugeldarusl út um allar götur og allar þessar umbúðir fara beina leið í ruslið, því ekki hægt að endurvinna þetta rusl.

Er það virkilega besta leiðin til að kveðja gamla árið og fagna nýju með því að sprengja frá sér allt vit, menga umhverfið og fyrir sjálfum okkur í leiðinni?

Tja kona spyr sig

2006-12-13T13:49:00.000Z

Blogga já

Eins og tryggir lesendur doppuskoppu hafa tekið eftir, hefur verið lítið um blogg undanfarna daga, vikur og mánuði.

Ástæðan?
Tja, ástæðan er sú að ég er að vinna við tölvu allann daginn, stanslaust í næstum 8 tíma. Ég er ekki það mikil tölvumanneskja að ég nenni að eyða frítímanum mínum fyrir framan tölvuna til að blogga. Svo ef ég hef ekki frá einhverju mjög mikilvægu að segja þá vil ég frekar sleppa því að blogga um eitthvað bara til að blogga. Í vetur hefur frítíminn minn að mestu farið í yfirlestur á verkefnum... og ekki er nú viðeigandi að blogga um þau.

Í skólanum, þá var ég voða dugleg að finna mér eitthvað annað að gera en að læra, og bloggið var mjög góð afsökun. Því duglegri sem ég var að læra, því duglegri var ég í blogginu.

En örvæntið eigi... doppaskoppa er bara í smá vetrardvala... en ég mun halda áfram að koma skoðunum mínum áfram til ykkar.

2006-11-19T13:57:00.000Z

Síðan doppaskoppa er orðin aðgengileg ölllum.

Ef þið lítið til hægri, þá er þar lítill hnappur sem stendur my settings. Þar geta allir lesendur doppaskoppa breytt letri og lit og stafabili, orðabili, stafastærð, stafagerð og línubili og hverju sem er. Þannig ef þið eruð orðin þreytt á bleika litnum, þá getið þið stillt síðuna eins og þið viljið hafa hana.

Sniðugt ekki satt?

Hverns vegna að breyta útliti síðunnar?

Jú, vegna þess að 10-12% landsmanna hafa einhverja fötlun og 90% vefsíðna á Íslandi eru óaðgengilegar fyrir fatlaða. En með svona einföldum breytingum, eins og að stilla útlit eftir þörfum, kemur það ekki bara fötluðum til góðs, heldur öllum öðrum notendum.

Ef þið viljið gera slíkt hið sama við ykkar síður, kíkið þá inn á stillingar.is og hafið mínar stillingar á síðunni ykkar.

2006-11-13T13:48:00.000Z

Umferðarljósa manneskjan!!

Brilljant, nú ætla spánverjar breyta umferðarljósum í einum bænum í að hafa mynd af karli OG konu, en ekki bara af karli eins og hefur verið.

Með þessu verður kynjamismunun þeirri útrýmt sem sést hefur í karlmannlegum myndum á umferðarskiltum fram til þessa.

Já, sko, er þá ekki kominn tími til að taka þetta upp á Íslandi? Umræðan er komin af stað hérna, þökk sé Bryndísi Ísfold, og núna er lag að breyta þessu.

Lifi jafnréttið

2006-11-09T15:32:00.000Z

Little Britain

Hreinlega dýrka þessa þætti, miðvikudagskvöld eru frátekin fyrir litla Bretland. Þeir gera grín að öllu og ekkert er heilagt.

Ekki einu sinni dauðinn.

Í gær gerðu þeir frábært grín af deyjandi manni, - tær snilld.

Þeir gera grín af innflytjendum, hommum, rasistum, klæðskiptingum, perrum, fötluðum, fólki með þvagstjórnunarvandamál, gömlu fólki, vandræðaunglingum ..... og já hverjum sem er!

Og Andy og Lou, Vicky Pollard og the only gay in the village hann Daffyd, rasistarnir Maggie og Judy og allir hinir, snilldar karketerar.

Je but no but je but not but

2006-11-09T15:27:00.000Z

Karlar farnir að taka við sér í jafnréttisbaráttunni.

Loksins eru karlar farnir að hugsa sinn gang í jafnréttisbaráttunni og hafa komið á Feðradeginum hérna á Íslandi. Næsti sunnudagur er feðradagurinn og verður annan sunnudag í nóvember héðan í frá. Meðan mæðradagurinn hefur verið haldinn í 75 ár.

Sýnir það ekki hverjir hafa að mestu hugsað um börnin hingað til?

Loksins eru karlar farnir að fatta að þeir eru feður barna sinna, eru farnir í fæðingarorlof og eiga sinn feðradag.

Lifi jafnréttið!!

2006-11-07T10:26:00.000Z

Náttúruvernd í nýju ljósi

Ég má til með að vekja athygli ykkar á grein Jóns Kr. Arnarsonar, þar sem hann fjallar um leið til að bjarga íslenskum efnahag.

Hann leggur til að útlendingum verði seldur aðgangur að höggmyndum Ásmundar Sveinssonar í því skyni að mölva þær niður. Hann segir að með því að flytja styttur Ásmundar til Ísafjarðar sé hægt að skapa þar vinnu. Fyrst þurfi þó að fara fram hagkvæmniathugun og meta þurfi verðmæti listaverkanna.

Jón segir ennfremur: ,,Við þurfum væntanlega að gera arðsemismat og gera eðlilega arðsemiskröfu. Að vísu mætti lækka arðsemiskröfuna verulega og eins vaxtakostnað af fjárfestingunni með því að fá ríki og Borg til að ábyrgjast þau lán sem taka þarf fyrir stofnkostnaði. Síðan þarf að gera markaðskönnun og athuga hvaða verð er hægt að fá fyrir hvert skemmdarverk. Við ættum að geta boðið mun lægra verð en aðrar þjóðir sem hugsanlega vildu keppa við okkur með því að bjóða fram verk sinna meistara. Íslendingar hafa aldrei verið mikið fyrir listaverk og þess vegna ætti verðið að geta orðið vel samkeppnisfært. Það er mikið til af fallegum íslenskum listaverkum sem fáir hafa séð".

Jón heldur áfram:

,,Ég geri mér grein fyrir að þetta gæti mætt hörðum mótmælum frá listaverkaverndunarsinnum. Með öflugum áróðri ætti samt að vera hægt að berja það niður. Svo má siga lögreglunni á þá sem vilja mótmæla þessu. Auðvitað er alltaf erfitt að fórna svona verðmætum en hvað eigum við að gera? Sem þjóð þá verðum við að nýta okkar auðlindir og það má segja að listaverkin séu okkar olía. Ég hef alltaf verið mjög hrifinn af íslenskum listaverkum en ekki viljum við fara aftur í torfkofana,".

Þetta er frábært, vá, þessi maður er þvílíkur snillingur.

Ég verð að segja að persónulega væri ég frekar til í að höggva niður stytturnar heldur en að fórna náttúrunni!!

Lesið alla greinina hér

2006-11-06T13:51:00.000Z

Ísland, öruggasta land í heimi?

Þvílíka glæpona borg sem Reykjavík er!
Á vinnustaðnum mínum, þar sem að vinna einungis átta manns, hefur verið bortist inn til þriggja samstarfskvenna minna á síðustu þremur mánuðum. Öll innbrotin hafa verið um miðja nótt þegar heimilismenn eru heima og sofandi. Í öllum tilfellum voru dyrnar harðlæstar.

Reykjavík er greinilega orðin að krimmaborg, hvergi öruggt að vera, ekki einusinni á sínu eigin heimili.

Og ég get sagt rasistunum sem að lesa þessa síðu, að í öllum þessum tilfellum voru það íslenskir glæpamenn að verki.

Íslenskir krimmar og dópistar!

2006-11-03T14:31:00.000Z

Á Saint Patricks day, í hosteli í Tasmaníu fyrir 5 árum, orti myndarlegur karlmaður fallega vísu til mín:

I know a girl how's dressed in pink
and she sure knows how to drink.
She say's: I'm an Ice-girl,
but looks like a spice girl
and I don't know how to think!

Þessi maður var töluvert undir áhrifum þegar hann samdi þessa vísu og sjálfsagt ég líka en þrátt fyrir það, man ég hana enn. Því enginn hefur áður ort svona frábæra vísu til mín.

Eftir 5 ár er hann kominn til Íslands. Eftir 5 ár erum við aftur að fá okkur bjór, ræðum um lífið og tilveruna, tilgang lífsins, Ástralíu og ferðalög.

Mig langar aftur á flakk....

2006-10-31T08:26:00.000Z

Kæru vinir

Ég vil láta ykkur vita að öllum líkindum á hegðun mín eftir að breytast mikið næstu daga, vikur og mánuði. Ástæðan fyrir þessum breytingum er sú að ég er gengin í sértrúarsöfnuð.

Já, þið heyrðuð rétt, ég er búin að láta heilaþvo mig af hinum heilaga sannleika og aðrir vilja meina að ég sé frelsuð.

Hversu sterk sannfæring mín á eftir að verða, kemur í ljós fyrstu dagana þegar ég tengist sértrúarsöfniðunum sterkari böndum.

Til að hafa upp á mér, þá er lang líklegast að ég verði á næstu dögum, heima að tilbiðja hinn nýja Guð

.................
..............
...........
........
.....
...
.

Hinn nýja Guð Mac

Já, ég er sum sé gengin í hinn aldræmda Mac - Apple sértrúarsöfnuð, þar sem ég eignaðist í gær minn fyrsta Makka.

Halelúja

2006-10-13T13:44:00.000Z

Oktoberfest

Minni á Oktoberfest í Háskólanum í kvöld. Allir sem vilja skemmta sér og kynnast skemmtilegu háskólafólki ættu ekki að láta þetta tækifæri framhjá sér fara.

Það sem er svo sniðugt við Oktoberfest, er að þá er allur háskólinn að skemmta sér saman. Ólíkir einstaklingar ú ólíkum deildum og hittast, spjalla og komast að því að það er í raun ekki svo mikill munur á því að vera í sagnfræði eða verkfræði, eða íslensku og lögfræði, eða hjúkrunarfræði og finnsku.

Venjulega eru það bara deildirnar eða bara skorirnar sem gera eitthvað saman, en á októberfest er tækifæri á að hitta “hina”. “Við” sem erum í mannfræði getum hitt alla “hina”, hinum megin við suðurgötuna. Eins gott að fara að venja sig við, því þegar háskólatorgið mun rísa, þá neyðast háskólanemar að hitta fólk úr öðrum deildum.

Mæli með því að mæta, þið gætuð hitt mig

2006-10-13T10:19:00.000Z

Föstudagurinn þrettándi

Var að fatta núna að það er föstudagurinn 13. í dag.

Eins gott að vera ekki mjög hjátrúarfullur. Best að labba samt ekki undir neina stiga á leiðinni heim í dag, best að forðast svarta ketti, ekki spegla mig með handspegli (svo að ég brjóti nú örugglega enga spegla), bakna í við og fleygja salti... eða hvað sem það nú er sem þarf að gera til að forðast óheppni.

sjö níu þrettán

2006-10-13T09:04:00.000Z

Best að blogga meira.

Sko hvað er málið með að Eva María velji bara karla í viðtöl í kastljósþáttinn sem hún stýrir? 5 kallar og 1 kona. Ég veit að það er fullt af konum að gera merkilega hluti og af hverju er ekki talað við þær? Eins og til dæmis Freyja Haraldsdóttir, ung kona með fötlun, sem ætlar að fara í alla framhaldsskóla landsins með kyningu sem hún kallar: Það eru forréttindi að lifa með fötlun. Kíkið á síðuna forrettindi.is til að fræðast meira. Það sem hún er að gera finnst mér mun merkilegra en að búa til íslenska bíómynd, vera seðlabankastjóri eða fótboltamaður.

En það er bara mín skoðun.

2006-10-10T10:46:00.000Z

Af sem áður var.

Á þessu ári hafa orðið ótrúlegar breytingar á lífi mínu. Mjög margt sem var í fyrra er ekki lengur:

Þá – nemi
Nú – kennari
Þá – í skóla
Nú – að vinna
Þá – BA
Nú – MA
Þá – single
Nú – á föstu
Þá – Birkimelur
Nú – Hagamelur

Hvað verður það eiginlega næst?
Þá – Ísland
Nú – Ástralía?
Þá – fátækur námsmaður
Nú – vinna í lottó?

2006-09-22T16:35:00.000Z

Þjóðhetjan Ómar Ragnarsson

Ómar Ragnarsson er án efa sá maður sem ég ber mesta virðingu fyrir. Ég vona að fleiri taki hann sér til fyrirmyndar og taki undir með honum um að mótmæla fyllingu Kárahnjúkalóns. Það er enn tími til að bjarga landinu okkar og Austfirðingar fá Álverið sitt!

Áfram Ómar

2006-09-22T14:47:00.000Z

Heiða afmælisbarn

Ég vil óska henni Heiðu minni kærlega til hamingju með afmælið í dag. Hún er 26 ára gömul í dag. En við Heiða eigum líka vinkonuafmæli um þessar mundir. Það eru 5 ár síðan við kynntumst, þegar við vorum báðar að byrja í mannfræðinni við Háskólann. Það voru þvílíkt ljúfir tímar, ótrúlegt að það skulu vera orðin 5 ár síðan við hittumst fyrst.

Hlakka til að hitta þig um næstu helgi og halda upp á afmælið með þér þá.

2006-09-01T11:14:00.000Z

Afmælisbarn dagsins!!

Það er hún Arna Guðný Jónasdóttir, sambýliskonan mín en brátt fyrrverandi sambýliskona. Hún er komin á besta aldurinn, og ætlar að halda uppá daginn fyrir norðan. Væri ekki slæmt að koma í afmæliskaffi í sveitina en vonandi fáum við að halda upp á daginn með henni hérna í borginni seinna.

Til hamingju með daginn Arna mín.

2006-08-30T09:26:00.000Z

Árni Johnsen

Samkvæmt fréttum í morgun hefur Árni Johnsen fengið uppreisn æru. Held að ég tjái mig sem minst um hvað mér finst um það, en í einu orði sagt... fáránlegt!!!

En það sem vakti athygli mína var fréttin í kringum þetta. Á visi.is og mbl.is er talað um uppreist æru en á ruv.is uppreisn æru.

Nú er ég ekki mikill íslenskusérfræðingur en eitthvað finnst mér uppreist æru hljóma undarlega.

Eða hvað, hvað segja íslenskusérfræðingar um málið?

Hefur Árni fengið uppreist æru eða uppreisn æru?

2006-08-21T09:01:00.000Z

Menningarnótt.

Er ekki löngu orðið tímabært að færa þessa menningarnótt á sunnudag, eins og yfirvarðstjóri lögreglunnar í reykjavík hefur sagt mörgum sinnum. Unglingadrykkja, slagsmál, og fleiri ósómi fylgir í kjölfarið af þessari menningu. Íslensk menning, unglingadrykkja er kannski einn hluti af henni, svo þetta er kannski bara viðeigandi.

Svo skil ég ekkert í því að hafa þessa flugeldasýningu á menningarnótt. Held það væri nær að eyða peningunum í eitthvað þarfara, t.d. leikskólana eða skólana. Flugeldasýningin á laugardaginn náði ekki einu sinni að vera flott, svo mér finnst alveg tilgangslaust að hafa svona lala sýningu. Annaðhvort að hafa almennilega sýningu, eða bara sleppa því.

Því flugeldarnir hræða dýrin, t.d. hestana sem verða hræddir og órólegir við svona sprengingar. Greyin fælast og hlaupa út á vegina og vegna þessra sprengina er orðið enn eitt banaslysið í umferðinni.

Enga flugelda og menningin á sunnudag!!

En þetta er bara mín skoðun.

2006-08-18T16:32:00.000Z

Og viljiði vita meir?

Grímur Björnsson jarðeðlisfræðingur gerði árið 2001 greinargerð um kárahnjúkavirkjun. Hann segir í þessari greinargerð að búast má við þeim möguleika að gamlar sprungur eða nýjar opnist undir Kárahnjúkastíflunni, einkum þegar lónið er fullt, og í framhaldi af því geti stíflan brostið.

Grímur segir ennfremur ljóst að jarðhiti sé í sprungukerfi, sem nær undir fyrirhugaða Kárahnjúkastíflu og hefur verið ágætlega virkt með köflum að minnsta kosti síðustu tíu þusund árin. Því geti hann ekki fallist á þá fullyrðingu í skýrslunni að bergið í stíflustæðunum henti vel fyrir stíflurnar.

Þá fellst hann ekki á þá niðurstöðu skýrslunnar að lónið hafi engin áhrif á eldvirkni, þvert á móti telur hann talsverðar líkur á að eldvirkni vaxi við lónið. Grímur virðist einnig hafa séð fyrir vandræðin við borun jarðganganna, sem nú eru orðin vel á eftir áætlun.

Þessa skýrslu Gríms er að finna á heimasíðu Orkustofnunar.

Kárahnjúkavirkjun, sýnd veiði en ekki gefin

2006-08-16T15:16:00.000Z

Og enn meir um klúðrið á Kárahnjúkum...

Frétt á mbl.is

Krefjast rannsóknar á Kárahnjúkastíflu

Náttúruverndarsamtök Íslands vilja að fram fari óháð og gagnsæ rannsókn á þeirri áhættu sem tekin er með byggingu Kárahnjúkavirkjunar í ljósi þess að stífla í Campos Novos í Brasilíu eyðilagðist í júní s.l. skömmu eftir að hún var tekin í notkun. Segja samtökin að sú stífla hafi verið grjóthleðslustífla með steyptri kápu líkt og stíflan við Kárahnjúka.

Í tilkynningu Náttúruverndarsamtakanna segir, að komið hafi fram að slíkar stíflur leki meira en góðu hófi gegnir. Fyrir utan stífluna í Campos Novos hafi tvær aðrar stíflur sömu gerðar, ein í Brasilíu og hin i Suður Afríku lekið umtalsvert vegna sprungna í steypukápunni.

„Í ljósi þessa og alvarlegrar gagnrýni jarðfræðinga undanförnu vegna skorts á jarðfræðilegum rannsóknum við undirbúning Kárahnjúkavirkjunar er það krafa Náttúruverndarsamtaka Íslands að fram fari óháð og gagnsæ rannsókn á þeirri áhættu sem tekin er með byggingu Kárahnjúkavirkjunar. Jarðfræðingar hafa staðfest að Kárahnjúkastífla er byggð á virku sprungusvæði og því var frá upphafi rík ástæða til að rannsaka ítarlega alla áhættuþætti er lúta að stíflumannvirkjum svo hægt sé að fullyrða að öryggi þeirra sem búa neðan þeirra sé á engan hátt ógnað. Það er ennfremur krafa Náttuúruverndarsamtaka Íslands að ekki verði hleypt vatni á Hálslón fyrr en ítarleg rannsókn á þessum áhættuþáttum hefur farið fram og óvéfengjanlegar niðurstöður liggja fyrir.

2006-07-18T16:22:00.000Z

Jæja,

flugvélar framtíðarinnar verða ekki gerðar úr áli, heldur samsettum kolefnum. Svo segir Alan Mulally, forstjóri Boeing.

Álið er sumsé ekki málið.

Ef flugvélaiðnaðurinn hættir að nota ál, er þá ekki tímaspursmál þangað til annar iðnaður hættir því líka?

2006-07-07T16:24:00.000Z

Sólin loksins komin hingað á suðvesturhornið!

Dóra systir á leiðinni í bæinn og Ninna líka.

Það verður margt og mikið skemmtilegt gert um helgina með þessum yndislegu stúlkum og horfa á HM verður ekki eitt af því!!

Góða helgi allarsaman!

2006-06-27T11:47:00.000Z

Útskrift

Jæja, stóri dagurinn liðinn og núna er ég formlega orðin mannfræðingur eða Magistri Artium Anthopologiae - takk kærlega fyrir!

En dagurinn var alveg yndislegur í alla staði. Allt gekk ljómandi vel, margir komu og fögnuðu deginum með mér og ég hafði alveg frábært fólk mér til halds og traust. Stórvinkona mín, hún Fanný Guðbjörg Jónsdóttir var alveg ómetanleg hjálp, hárgreiðsludama, bílstjóri, stílisti, kokkur, þjónn, og bara allt ... hún sá um það. Án hennar hefði þessi dagur aldrei heppnast svona vel.

Takk æðislega fyrir allt Fanný mín.

Það er alveg frábær tilfinning að hafa lokið þessum áfanga í lífi mínu en núna tekur bara annað tímabil við og ekki er það síðra.

En ég vil þakka kærlega öllum þeim sem komu og líka þeim sem voru staddir erlendis eða á landsbyggðini sem hringdu, sendu sms eða tölvupóst... takk allir.

2006-06-21T10:41:00.000Z

Mannfræðingar eru að taka yfir í samfélaginu!!

Kastljós mánudagur
Droplaug Margrét Jónsdóttir, mannfræðingur, talar um jafnrétti

Kastljós þriðjudagur
Jóhanna K. Eyjólfsdóttir, mannfræðingur, talar um mannréttindi

En jafnrétti er auðvitað sjálfsögð mannréttindi og í mannréttindabaráttu er jafnréttisbarátta stór hluti af því!

Kastljós miðvikudagur
Hver verður næst??

2006-06-20T09:44:00.000Z

Jæja

Ekki nóg með að doppaskoppa sé komin í blöðin, heldur ákvað hún að skella sér í sjónvarpið líka. doppaskoppa hefur svo skemmtilegan og fræðandi boðsakp sem hún vill að sem flestir heyri.

Fyrir ykkur sem misstuð af doppunni í kastljósinu í gær er hægt að horfa á það á www.ruv.is og velja 19. júní og kastljós

Eða velja þetta

2006-06-19T11:23:00.000Z

Já og auðvitað mbl.is í dag

Kíkið á skvísuna hér og hér

2006-06-19T09:17:00.000Z

Til hamingju með daginn!!

Og í tilefni dagsins eiga allir að lesa moggann, því þar er viðtal við doppuskoppu mannfræðing að tala um jafnréttisbaráttu kynjanna. Eða kynning á MA-verkefnininu mínu. Svo allir út í sjoppu og kaupa moggann og byrja að lesa.

"Margt hefur náðst en enn er langt í jafnrétti" segir skvísan, á bls 10 og 11.

2006-06-14T16:09:00.000Z

Nokkrar línur í dag.

Takk fyrir allar afmælis kveðjurnar og einkunnakveðjurnar. Alltaf gaman að heyra frá fólki sem ég hef ekki mikið samband við dagsdaglega en ég veit þá að lesa bloggið mitt.

Ég er nú alveg búin að ná mér núna, búin að halda smá útskriftarfyrirlestur um ritgerðina, er byrjuð á fullu í nýju vinnunni og svo er það bara næsta mál á dagskrá að plana útskriftarpartý.

Ég ætla nefnilega að halda 2falda útskriftarveislu, þar sem ég hélt enga veislu þegar ég kláraði BA, enda bara fínt að slá þessu saman. En þar sem ég bý á litlum stað, þá er því miður ekki hægt að bjóða öllum, en ef ykkur langar mjög mikið til að koma, þá megið þið endilega senda mér línu!!

Svo er það áminning á 19. júní, næsta mánudag, þá er kvennadagurinn og þá eiga allir þeir sem styðja jafnrétti - að bera eitthvað bleikt.

no problem for me... spurningin er hvaða bleika bol ég eigi að fara í??

2006-06-02T15:40:00.000Z

Besti besti afmælisdagur ever!!

Einkuninn loksins komin.....

........
.........
..........
...........
............

Búin að vera með smá magapínu í allan dag!

En einkuninn fyrir MA-ritgerðina er 9.

Svo endilega fagnið með mér í dag/kvöld og skálið í tilefni dagsins!!

2006-06-02T00:27:00.000Z

Enn eitt afmælið er í dag!

Og auðvitað er það besta afmælið af öllum - afmælið mitt.

Ótrúlegt, strax aftur afmæli. En það er komið sumar og sól í tilefni dagsins og ég hef á tilfinningunni að þetta verði alveg yndislegur dagur.

En það er gaman að geta þess að hún Anna Dögg vinkona mín á líka afmæli í dag, og það verður gaman að deila deginum með henni. Við eigum eftir að njóta okkar í botn í dag og í kvöld og alla daga. En sérstaklega í dag!! Til hamingju Anna mín.

En best að njóta dagsins.

Afmæliskveðjur
Doppa skoppa

2006-05-27T11:54:00.000Z

Meiri ammæli!!

Eili bróðir átti afmæli í gær, 24 ára gamall og styttist í 25 ára afmælið. Til hamingju með það Eili minn!!

Kosningar í dag og ég vona að allir kjósi rétt og ég vona líka að sumir flokkar deyi út og sumir stórir flokkar nái ekki meirihluta í borgarstjórn. Annars skiptir það mig litlu máli, þar sem ég er nú ekki með lögheilimi hér í borg.

Ég vil hins vegar nota tækifærið og minna fólk á gönguna sem að íslandsvinir standa fyrir. Það er ganga fyrir verndun íslenskrar náttúru og gegn stóriðjustefnu. Það verður gengið niður Laugaveg og síðan verða tónleikar og uppákoma á Austurvelli, þar sem margir þekktir tónlistarmenn koma fram.

Allir að mæta!!

Annars mæli ég með að fólk kíki á bloggið hennar díönu, dillibossi.blogspot.com Þar er mjög áhugaverður pistill um brúð-KAUP og þetta er nákvæmlega talað út úr mínu hjarta, en pistillinn fjallar um gamlar úreltar hefðir og ýmsa hræsni í kringum brúð-KAUPIN. Endilega kíkið á það!!

2006-05-24T13:35:00.000Z

Afmæli, júróvision og veðrið!!

Fullt fullt af afmælum í maí. Í gær átti hún yndislega og frábæra Ninna frænka afmæli. Hún er að sjálfsögðu á besta aldri og er núna í Belgíu að klára lokaverkefnið sitt í þekktasta hönnunarskóla í Hollandi. Og fer létt með þetta stúlkan, enda ekki langt að sækja hæfileikana.

Til hamingju elsku Ninna mín!!!  

Júróvision búið, sem betur fer, allir komnir með nóg af þessu rugli, af sylvíu og öllu þessu tilstandi í kringum keppnina. Í kringum þessa keppni, sem er yfirleitt samansafn af leiðinlegum lögum og gengur núna út að að vera með flottasta sjowið og efnisminnstu búningana (hjá stelpunum þar að segja).

En ég nýtti tækifærið til að eiga góða og skemmtilega kvöldstund í góðra vina hópi og það er alltaf það sem skiptir mestu máli. Hvaða ástæaða sem er notuð til að hittast, skiptir ekki máli, heldur að hitta allt þetta skemmtilega fólk.

Á undankeppninni á fimmtudaginn, þá ákvað ég að koma fólki á óvart í eldhúsinu. Eldhúsið er það herbergi í húsinu sem mínir hæfileikar fá sjaldnast að njóta sín, en ég tók smá skorpu á fimmtudeginum og bakaði pizzur ofaní liðið. Þar sem ég er ekki mjög skipulögð sem kokkur, þá var ég náttúrlega á seinustu stundu, en það gerði ekki til, því ég hlustaði á lögin í útvarpinu og sá ekki showið í kringum þau. Og ég vil meina að með því, þá meti ég lögin eftir lögunum, en ekki eftir flytjendum eða klæðaleysi eða flottu showi.

Við héldum svo aftur júróvision partý á laugardeginum, Logi minn og Gylfi sáu um eldamennskuna það kvöldið, enda mjög professional hjá þeim og þvílíkt góður matur. Enda má ekki búast við mikilli eldamensku hjá mér á næstunni, læt þetta duga fyrir næsta mánuð! En þetta var alveg magnað kvöld, miklar og heitar umræður áttu sér stað um getnaðarvarnir, dauðann, úkraínska keppandann og póstkassann hjá sænsku Carolu!! Hmmm best að fara ekki nánar út í það hér!!! En, sem sagt, alveg brilljant júróvisionkvöld.

En já, ég er sátt við Finnska lagið, allt sem hristir skemmtilega upp í þessari keppni, er frábært.  

Síðan var planið að skreppa norður í nokkra daga í fríinu mínu, en ég hef frestað þeirri ferð vegna veðurs. Alveg ótrúlegt. Ég sem æltaði heim í sveitina, sitja út á palli og sötra rauðvín og skreppa svo á hestbak á kvöldin og hafa það gott í góða veðrinu í sveitinni. En nei, það er bara allt á kafi í snjó, norðanvindur og kuldi. Svo ég held mig bara í borginni enn um sinn í kuldanum hérna. Það er þó enginn snjór hér.

Læt þetta duga í bili,

Kalo Savatokiriako

sem þýðir góða helgi á grísku en ég ætla að fara að læra grísku, svo ég geti flutt úr þessum kulda og til Grikklands

2006-05-19T13:04:00.000Z

Kannski kominn tími til að blogga svolítið. Hef enga afsökun fyrir bloggleysi lengur, nema að ég er svo upptekin við að gera ekki neitt. Og það er alveg merkilegt að þegar ég hef nóg að gera, verður miklu meira úr verki en þegar ég hef allan tímann í heiminum til að gera hlutina, þá kem ég engu í verk!

En ég er búin að vera dugleg við að sitja út í sólinni og lesa, fara á kaffihús, kúra upp í sófa og hafa það gott. Enda líka alveg komin tími á smá afslappelsi, smá djamm og smá leti.

Síðan byrja ég að vinna um mánaðamótin. Byrja ég í alvöru-mannfræðinga-vinnunni minni. Það er ekki slæmt að vera búin að klára mannfræðinám og byrja strax í mannfræðivinnu. Ég hlakka mikið til að byrja, líst mjög vel á þessa vinnu og nýju vinnufélagana, allt brilljant fólk.

Síðan er bara sumarið eiginlega komið, afmælið mitt eftir 2 vikur, svo útskrift og síðan endalaust fjör í allt sumar.
En hvað lífið er yndislegt!!

2006-05-16T16:39:00.000Z

Til hamingju með afmælið Dóra!!

Dóra litla systir er 18 ára í dag og er því loksins orðin lögleg í Sjallann, merkur áfangi það.
Innilega til hamingju með daginn, Dóra mín.

2006-05-12T14:58:00.000Z

Sumar og sól, gleði og gaman!!

12. maí í dag, sólin skín og gott veður og ritgerðin klár.
Búin að skila henni á rétta staði og ég er komin út í sólina.

Síðustu heilræðin frá leiðbeinandanum mínum: fara út í sólina og gera eitthvað skemmtilegt í kvöld. Sem verður pottþétt gert og líka á morgun og alla helgina. Og alla næstu daga og vikur og ár. Því nú er 5 ára kafla í lífi mínu lokið og nýr tekur við.

En mikið á ég eftir að sakna skólans, Odda og alls fólksins sem ég hef kynnst á þessum 5 árum í náminu. Alveg yndislegt fólk allt saman.

Það eru blendnar tilfinningar á svona tímamótum en fyrst og fremst gleði gleði og gleði!!

2006-05-05T08:53:00.001Z

Núna er einungis vika í 12. maí, vika í skil!
Eins gott að þetta er að verða búið, geðheilsan ekki alveg í lagi þessa dagana en ég reyni nú að passa að ofgera mér ekki. Enda er nú það mesta komið núna, bara lokahnykkurinn eftir.

Ef það er vika í skil, þýðir það líka að það er bara 4 vikur í 2. júní!

2006-05-01T11:42:00.000Z

"Gráti næst yfir fyrirhugaðri eyðileggingu"

Þetta er fyrirsögn á fétt á mbl.is í dag. Hvað ætli sé verið að tala um? Jú auðvitað eyðilegginguna á hálendi Íslands vegna Kárahnjúkavirkjunar!

Fréttin heldur áfram....

OPNUN íslensku ljósmyndasýningarinnar Einnota land í listagalleríinu Werkstatt der Kulturen í Berlín sl. fimmtudag vakti afar hörð viðbrögð viðstaddra og þyrmdi svo yfir einn gestanna að hann gekk út með þeim orðum að hann þyldi ekki að sjá þá eyðileggingu sem fyrirhuguð væri á íslenskri náttúru. Þetta segir Guðmundur Páll Ólafsson, náttúrufræðingur, rithöfundur og höfundur ljósmynda á sýningunni, ásamt þeim Friðþjófi Helgasyni, Jóhanni Ísberg og Ragnari Axelssyni. Einnig voru á sýningunni sýndar heimildarmyndirnar In Memoriam? eftir Ómar Ragnarsson og World of Solitude eftir Pál Steingrímsson.

Að sögn Guðmundar er sýningunni ætlað að varpa ljósi á svæðið norðan Vatnajökuls sem mun fara forgörðum á einn eða annan hátt í tengslum við fyrirhugaðar virkjunarframkvæmdir. "Þarna er m.a. um að ræða allt Kárahnjúkasvæðið, Hjalladal, Kringilsárrana, Vestur-Öræfi, Eyjabakka, auk Hafrahvammagljúfurs og Dimmagljúfurs. Þetta er hluti af landslagsheild sem við erum að sýna þarna og er sett upp vegna atvinnustefnu stjórnvalda," segir Guðmundur, en þess má geta að Marita Czepa, forstöðumaður listasafnsins, bauð höfundum sýningarinnar að sýna í listasafninu eftir að hafa séð myndir þeirra hérlendis.

Gestir tóku um hjartað
"Þarna skapaðist mjög áhrifamikil umræða þar sem fólk var gráti næst yfir fyrirhugaðri eyðileggingu," segir Guðmundur og segir viðbrögð sýningargesta öll hafa verið á eina leið. "Fólk var mjög leitt yfir því hvernig málum væri háttað hérlendis og tjáði sig um að þetta væri allt önnur mynd af Íslandi en það hefði áður séð. Margir vildu vita hvort þeir gætu gert eitthvað. Fólk tók bara um hjartað og sagðist ekki skilja hvernig hægt væri að leyfa sér að eyðileggja náttúru á borð við þá sem gefur að líta á myndunum," segir Guðmundur og tekur fram að sér hafi sannarlega komið á óvart hve viðbrögðin hafi verið mikil.

Að sögn Guðmundar voru það aðstandendum sýningarinnar nokkur vonbrigði að sendiherra Íslands í Þýskalandi skyldi ekki sjá sér fært að mæta eða senda fulltrúa sinn á opnun sýningarinnar þrátt fyrir boð þar um. "Marita Czepa, sýningarstjóri, hafði einnig farið fram á það við íslenska sendiráðið að það sendi upplýsingar um sýninguna á póstlista sinn, m.a. fyrir Íslendinga búsetta í Þýskalandi, en því miður varð sendiráðið ekki við því. Veltum við því óneitanlega fyrir okkur hvort sýningin hafi ekki verið mönnum þar að skapi. Nú vitum við ekki hvort sýningin fer víðar í Þýskalandi, en hún gæti gert það og þá væntum við nú betri viðbragða frá sendiráði Íslands, því að þessi frammistaða gefur til kynna að sendiráðið þjóni ekki öllum Íslendingum."

Jáhá... alltaf meir og meir gruggugt við þessar stóriðjuframkvæmdir. Sendiráðið vill ekki senda upplýsingar um sýninguna til Íslendinga í Þýskalandi.

Furðulegt, stórfurðulegt

2006-04-27T16:30:00.000Z

Merkilegt!!!!

Hvernig er hægt að segja fyrir um systkinaröð út frá aðeins nokkrum spurningum?!?

You Are Likely a Second Born

At your darkest moments, you feel inadequate.At work and school. you do best when you're evaluating.When you love someone, you offer them constructive criticism.
In friendship, you tend to give a lot of feedback - positive and negative.Your ideal careers are: accounting, banking, art, carpentry, decorating, teaching, and writing novels.You will leave your mark on the world with art and creative projects.

The Birth Order Predictor

2006-04-24T12:33:00.000Z

Vil óska henni stórvinkonu minni og stuðningsfulltrúa, henni Hörpu Hrönn, til hamingju með afmælið í dag. Mér skilst að árafjöldinn sé reiknaður eitthvað öðruvísi þarna út í Sviss, því stúlkukindin er víst 25 ára í dag.
Hjartanlega til hamingju með daginn Harpa mín, megir þú njóta hans og vonandi verður þetta eftirminnilegur dagur.

2006-04-21T14:21:00.000Z

Gleðilegt sumar dúllurnar mínar.

Er komin aftur í borgina eftir viku frí fyrir norðan. Fyrst á Sigló um páskana og síðan heima í sveitinni í nokkra daga. Þar var haldið upp á 70 afmæli pabba og var boðað til veislu í tilefni dagsins.
Núna er hins vegar engin veisluhöld eða hvíld eða djamm næstu 3 vikurnar, heldur stanslaus ritgerðarskrif.

Komin með smá hnút í magann en ekkert alvarlegt samt. Ef ykkur langar til að hitta mig, vinsamlegast komið í Odda, því ég verð ekki mikið heima hjá mér eða í heimsóknum á næstunni. Og það verður örugglega ekki bloggað mikið heldur.

2006-04-16T15:14:00.000Z

Gleðilega páska!

Allt gott að frétta úr snjónum frá Sigló. Margrét litla braggast vel og Mikael vefur frænku sinni um fingur sér. Ekki hefur verið unnið mikið í ritgerðinni, barninu mínu, um páksana en það var þó tekin góð skorpa í dag. Barnið er að verðna nær fullburða og er áætlaður fæðingardagur 12. maí.

Páskakveðjur til allra
Doppa

2006-04-10T18:05:00.000Z

Mannfræði er svo skemmtileg.

Í B.A. ritgerðinni minni skrifaði ég meðal annars um skapahár, brasilískt vax og klám.

Í M.A. ritgerðinni minni núna er ég meðal annars að skrifa um Viagra, stinningu og óstöðvandi kynlífsverur.

Í örðum ritgerðum hef ég skrifað um reðurhólka, fallísk tákn og tíðablóð.

Mannfræði .... svo miklu meira!!

2006-03-31T10:39:00.000Z

Ammmæli!!

Svo má ekki gleyma því að óska honum Una mínum til hamingju með afmælið í dag.

Uni Hrafn er sveitungi minn, frændi, fyrrverandi bekkjarbróðir, æskuvinur og besti besti vinur minn. Hann býr núna út í Köben og hann er væntanlega núna að halda upp á daginn að dönskum sið, ekki slæmt það.

Minningarnar mínar með Una eru alveg ótrúlegar. Það sem við höfum ekki brallað saman. Í 10 ár saman í grunnskóla var alveg ómetanlegt og öll partýin og gistinæturnar og allt ruglið sem fór fram á Knútsstöðum. Það var meira að segja seinast fyrir ári síðan, sem ég og Kolla vinkona gistum heima hjá Una eins og þegar við vorum 14 ára. Og það var alveg meiriháttar og í rauninni leið okkur eins og við værum enn 14. En ég held að best sé að vera ekkert að skrifa neitt um hvað var brallað á Knútsstöðum hér.

Til hamingju með daginn Uni minn!!

2006-03-31T10:37:00.000Z

Brussel baby!!

Ef ég á ekki yndislegustu vinkonur í heimi, þá veit ég ekki hvað. Eins og þið vitið, þá gæti ég ekki lifað án vinkvenna minna. Þær eru allar yndislegar hver á sinn hátt.

Mig langar til að segja ykkur frá einni þeirra. Hún heitir Fanný Guðbjörg Jónsdóttir. Vitið þið hvernig vinkona hún Fanný er? Hún er þannig vinkona sem býður vinkonu sinni frítt flug og fría gistinu til Brussel. Já, ég er ekki að grínast, á morgun erum við Fanný á leiðinni til Belgíu ásamt fríðu föruneyti. Þar verður ýmislegt brallað, farið í heimsóknir í NATO og fleiri stofnanir, kíkt í heimsókn í íslenska sendiráðið, og svo verður auðvitað lifað sig inn í Belgíska menningu eins og hún gerist best. Það verður setið úti á kaffihúsunum, og drukkið hinn hefðbundna belgíska vökva, sem er að sjálfsögðu bjór og helsta næringin verður belgískt konfekt. Það verður kíkt á markaði og notið alls þess sem Brussel hefur upp á að bjóða. Ætli það verði svo ekki kíkt inn á uppáhalds írska pöbbinn minn í heimi, O’reilys eða eitthvað svoleiðis. Ég get nú sagt að ég eigi margar góðar minningar tengdar þeim stað!! Hmmm!!

Blogga aftur þegar ég kem til baka.....

2006-03-29T15:30:00.000Z

Ásláttarvilla dagsins

Neftöng – átti að vera netföng
Það væri nú glæsilegt ef það stæði nef-töng í MA ritgerðinni minni í staðinn fyrir netföng!!

2006-03-28T14:20:00.001Z

Íslenskan karllæg??

Ensk-íslenska orðabókin mín er mjög merkileg bók. Hún hefur verið Biblían mín í gegnum námið og alveg ómissandi í náminu. En hún er þó ekki fullkomin frekar en aðrar biblíur sem að eru auðvitað bara mannanna verk.

Því það kom í ljós að biblían mín er meingölluð og er gott dæmi um þann karllæga hugsunarhátt sem er ríkjandi í samfélaginu. En ef að kona vill vita hver þýðingin er við orðinu pregnant, þá kemur skýringin : 1. þungaður, óléttur, vanfær, barnshafandi.

Síðan hvenær eru karlmenn þungaðir eða óléttir?

2006-03-24T15:22:00.000Z

Jæja jæja ....

Línurnar farnar að skýrast ....

Ég þarf að skila MA-ritgerðinni minni 12. maí!
Og einkuninn kemur svo föstudaginn 2. júní!!

Jább, 2. júní 2006.
Annað hvort verður þetta besti afmælisdagur ever, eða hræðilegur!!
Ef þetta verður mikill gleðidagur, þá verður sko haldið upp á einkuninna og afmælið með stæl. Ef ekki, þá verður bara haldið upp á að ég verði árinu eldri og none wiser!

2006-03-22T15:24:00.000Z

Ekkert blogg í langan tíma.

Margt búið að gerast þó. Baugsmenn sýknaðir, bandaríski herinn vonandi á leiðinni úr landi og ég á leiðinni til Belgíu! Jább, nú fer ég bara til Brussel og ræði við Nato um varnir Íslands. Það er ekki hægt að treysta þessum sauðum í ríkisstjórninni til að sjá um þessi mál, svo Doppa bara mætir á svæðið og kippir þessu í liðinn. Sérstaklega ekki yfirsauðinum honum Dóra, sem segist ætla að bíða og sjá hvað Bandaríkjamenn vilja. Díses Dóri, hvað viljum við Íslendingar!!

Ég fer sem sagt í höfuðstöðvar Nato í Brussel og ég redda þessum málum bara fyrir hádegi fyrsta daginn, svo ég geti setið á pöbbunum í Brussel og sötrað bjór og borðað belgískt konfekt með Ninnu og fleiri skemmtilegum Belgum það sem eftir er af ferðinni.

2006-03-10T13:59:00.000Z

Jæja… enn eitt ruglið sem ég læt plata mig útí. Takk Harpa fyrir að finna eitthvað annað handa mér að gera en að skrifa lokaritgerð!!

4 vinnustaðir sem ég hef unnið á:

Arcarden Smörrebröd Fyrsta vinnan mín í köben. Vann á kebab stað, með 3 írökum við að búa til kebab, steika kjúkling og franskar og meira gúmmelaði. Held að ég hafi borðað ca. 2 kebab á dag og drukkið 2 gosflöskur á dag.

Túristabúð á Miami Beach. Vann yfirleitt 4 tíma á dag og þetta voru yfirleitt lengstu 4 tímar sem ég hafði upplifað. Var að selja boli, minnjagripi og föt til túrista á Miami, var að brjóta saman boli og fara í sendiferðir fyrir Oscar.

Hótel Cabin. Endalausar næturvaktir, fyllerí, góðkunningjar lögreglunnar, dópistar, Amacing Race, skemmtilegri útlendingar, leiðinlegir útlendingar, þá aðallega fullir svíar og norðmenn, þrifa upp ælur, spjalla á barnum, daðra við sæta útlendinga, og margt margt fleira.

Tjaldanes. Stuðningsfulltrúi fyrir yndislega stráka, flestir voru á fertugs eða fimmtugsaldri en yndislegri karlmenn hef ég sjaldan hitt. Mjög sekmmtileg og gefandi vinna.

4 myndir sem ég gæti horft á aftur og aftur

Austin Powers 1, 2 og 3 – segir sig sjálft!!

Ace Ventura pet detetive – horfði oft á hana þegar ég var yngri og fannst alltaf jafn fyndin. Held að systkini mín hafi eitthvað með það að gera!!

I kina spiser de hunde og old men in new cars. 2 æðislega fyndnar og frábærar danskar myndir, eins og flest allar danskar myndir sem ég hef séð!!

Æ man ekki eftir fleirum, - hef yfirleitt margt betra við tímann minn að gera en að glápa á bíómyndir (eins og að svara svona sniðugu dóti!!)

4 staðir sem ég hef búið á:

úff þeir eru nú orðnir nokkuð margir.

Telegårdsstræde í Köben. Þar bjó ég með 2 íslenskum stelpum, einni danskri og einum 2 ára gömlum dönskum strák. Íbúðin var alveg niður í miðbæ, rétt við strikið, og beint á móti gaybar. Íbúðin var á 2 hæð og gluggar út að götuna. Einu sinni vorum við að djamma og ég fór út í glugga til að ætla og ónefndur vinur minn (greblav), reyndi að stýra ælunni á fólkið sem labbaði fyrir utan. Við héldum líka upp á jólin í þessari íbúð í febrúar og fórum út og grófum upp jólatré, og drusluðum inn, með mold og allt en það var hvítt teppi á gólfinu, svo lengi á eftir var stór brúnn blettur í horninu.

Collins Ave á Miami Beach. Bjuggum 2 íslenskar píur hjá Brian vini mínum. Hann bjó í svona stóru condo… þar sem var dyravörður til að hleypa okkur inn, stór sundlaug og 2 skref til að fara á ströndina. Við borðuðum morgunmat, hádegismat og kvöldmat út á svölunum. Alveg yndisleg íbúð.

Abbott Ave í Miami Beach. Fluttum frá Bri og færðum okkur aðeins few blocks!! Þar bjuggum við með 2 tyrkjum, Hikkó og Ayhan (sem við kölluðum alltaf Hamísamí) hundinum tobí og kettinum friskí. Vorum með sér baðherbergi, og RISASTÓRT fataberbergi (draumur sérhverrar stelpu). Annars var íbúðin ekkert sérstök, því það voru kakkalakkar í eldhúsinu, hundafíla í stofunni (af helvítis Tóbí, sem við lokuðum stundum inn í bílskúr til að geta loftað út!!). Svo okkar besti staður var út í garði, þar sem við sátum alltaf þegar við vorum heima, grilluðum á kvöldin, klifruðum í pálmatréinu, bjuggum til hengirúm og margt margt fleira.

Via del Girlandio á Ítalíu. Lítill bær sem heitir Campi Bizensio, rétt í úthverfi Flórens. Þar bjó ég í fyrsta skiptið á ævinni með strák og ekki bara einum, heldur með 3 strákum. 2 ítölskum og einum belgískum. Alltaf til nóg af rauðvíni og bjór, margt og mikið brallað þar.

4 Þættir sem ég elska að horfa á:

SexAndTheCity … það vita það nú allir
Little Britain … snilldar þættir með breskum húmor eins og hann gerist bestur
Friends… alltaf hægt að horfa á vini
Lost ... mjög spennandi þættir.

4 staðir sem ég hef verið í fríi á/ferðast til:

Mexíkó. Útskriftarferð MA til Mexíkó, fyrsta utanlandsferðin mín, en ekki sú síðasta!!

Belgía. Eitt af uppáhaldslöndunum mínum í Evrópu. Endalaus bjórdrykkja og súkkulaði át. Hef átt brilljant samræður á frönsku við hina og þessa, en eini gallinn er að ég kann einungis nokkur orð í frönsku… já, hægri, vinstri, beint áfram, viltu sofa hjá mér í nótt, lítið tippi….. og skál!! (Hmmm væri nú alveg hægt að misskilja þetta!!)

Fowey í Cornwall á Englandi. Var á þvælingi með greblaV eða Valberg og fyrir einskæra tilviljun enduðum við í þessum æðislega bæ. Þar fórum við út að borða á litlum fjölskyldu veitingastað, fórum að skoða kirkjuna á staðnum og enduðum á því að mæta á kirkjuklukkuhingi æfingu í kirkjunni og fengum meira að segja að prófa að hringja kirkjuklukkunum. Enduðum svo að sjálfsögðu á pöbbnum með öllu fólkinu, þar sem við sungum meðal annars … It’s a long way to Tippaerey …. Og Ríðum ríðum.

La Marina Spáni. Fór í fyrsta skiptið til spánar síðast sumar. Heimsótti Lindu vinkonu og var þetta yndisleg ferð. Fyrir utan smá ölvunarakstur en til allrar hamingju endaði það vel og við komumst báðar heilar á höldnu heim.

4 vefsíður sem ég fer inná daglega:

doppaskoppa.blogspot.com …. Auðvitað!!
hi.is … besti skólinn!!
Öll bloggin
Mbl.is

4 x besti maturinn:

Lambalæri með öllu tilheyrandi
Allur Ítalskur matur
Grænmetisfæði á Grænum kost, t.d.
Súkkulaði

4 staðir sem ég vildi vera á núna:

Ströndinni á Ástralíu
Í heimsreisu
Eyju í Kyrrahafinu
Á Sigló hjá litlu frænku

4 bloggarar sem ég ætla að næla í:

greblav … eða Valberg… sem hefur svo gaman af svona
Fanný
Valgerði
Guðfinnu

Þar hafiði það….

Góða helgi

2006-03-09T11:31:00.000Z

Fæðing í beinni...

Hvað er málið með þáttinn fyrstu skrefin á skjá einum? Guðfinna frænka var að skrifa um þennan þátt á blogginu sínu og ég er svo hjartanlega sammála henni. Allt í lagi að hafa svona þátt fyrir þá sem hafa áhuga, en ekki sýna hann á besta sjónvarpstíma.
Og hvað er málið með að sýna frá fæðingu? Ekki beint það skemmtilegasta til að horfa á.

Ég var heima í gærkveldi, var eitthvað að flakka milli sjónvarpsrásanna og þá bara allt í einu sá ég bara þessa greyið stelpu að rembast við að fæða barn. Ekki verið að vara mann við eða neitt. Bara lá þarna greyið með myndavélina næstum því í klofinu á sér. Gott hjá henni að eignast barn en plís... ekki troða því í sjónvarpið.

Mikið var ég svo fegin þegar þátturinn með “hommana” byrjaði. Það er miklu skemmtilegra sjónvarpsefni, flottir, sætir og hressir hommar en stelpa að fæða barn!!

2006-03-08T10:34:00.000Z

8. mars

Alþjóðlegur baráttudagur kvenna

Til hamingju með daginn.

Í dag er fullt af skemmtilegum viðburðum til að halda upp á daginn.
Til dæmis í Ráðhúsinu klukkan 17:00 í dag.
Þróunaraðstoð – í þágu hverra?

Klukkan 20:00 á efri hæð Dubliner.
Þar verður baráttukvöld í tilefni alþjóðlegs baráttudags kvenna

Svo bendi ég á nokkrar skemmtilegar greinar á independent.

Til dæmis að í Bretlandi þá er aðeins fjórða hver kona sem kallar sig femínista .

Svo eru hérna alls konar tölur um líf kvenna .

Og síðast en ekki síst mjög áhugaverð grein um að hver framakona þurfi að hafa eiginkonu .

Í greininni er sagt að giftar konur lifi skemur en single konur, það sé mikil stress að sameina framan og fjölskyldulífið. Svo hvers vegna að vera að gifta sig og eignast börn, ég bara spyr?

En það sem ég skil ekki er af hverju er lausnin að framakonur fái sér eiginkonu? Þá erum við ennþá í þessari hugsun um að konur sjái um heimilið. Væri ekki nær að karlar tækju meiri þátt inn á heimilinum? Eða að konur myndu bara sleppa því að eignast börn?

Eins og þið sjáið, fullt af áhugaverðu efni í tilefni dagsins!!

2006-03-07T13:14:00.000Z

Fyrir þá sem eru ekki búinir að kvitta á þessa síðu, endilega gera það sem fyrst. Fyrir ykkur sem viljið ekki fleiri álver á landið okkar góða, frekar fjölbreyttara atvinnulíf.

Koma svo, skrá sig á http://alver.muna.is/

2006-03-06T14:07:00.000Z

LSS

Best að vera aðeins á léttari nótunum í dag, það er mánudagur og svona og vikan að byrja. Var að fá diskinn Rottur og Kettir með Langa Sela og Skuggunum frá henni Kristrúnu frænku í dag. Og þvílík snilld! Ég hef ekki hlustað á þessi lög í næstum því 15 ár, en þau eru alltaf jafn góð. Breiðholtsbúgí er algjör snilld .... ég sparka í dós eða ljósastaur, loftið er hlaðið rafmagni ... Eins eru lögin Einn á ísjaka og Köttur í Kadilakk frábær lög. Það er bókað að í næsta partýi verður spilað LSS í botn.

2006-03-05T13:01:00.000Z

Og meir um álver...

Hvað með mengun og alla þá áhættu sem fylgir álverum og því að vinna í einu slíku. Í allri þessari álumræðu heyrist ekki múkk um það. Hérna er smá brot úr grein um álver í Ástralíu og hversu heilsuspillandi þau eru:

__________________________________________

Workers at Australia's Alcoa plants have significantly higher rates of some cancers compared with Australian averages, according to a national study.

The survey of 11,366 past and present Alcoa workers at seven Alcoa plants in Victoria and Western Australia found 45 cases of respiratory cancer when 34 incidents would have compared to community averages.

The interim report was initiated by Alcoa and conducted by Healthwise, a group of academics from the Monash University and the University of Western Australia.

It also found 34 cases of melanoma when the national average was 23. While only five cases of pleural cancer - asbestos-related disease - were detected, only two were expected.

Healthwise said the results were "statistically significant" and worthy of further investigation.
___________________________________________

Sem sagt, mikil auknig á tíðni krabba hjá álversstarfsmönnum ... ætli það sé eitthvað sem fólkið í hérna veit?

Pant ekki vinna í álveri!

2006-03-03T11:12:00.000Z

Álland

Átti álhugaverðar álsamræður við Ála Pál (öðrunafni Palla) í gær.

Þar sem þessi álvæðing er komin úr böndunum,
hvernig væri þá bara að taka álskrefið til fulls og fara að kalla landið sínu rétta nafni: Álland.
Þá væri hægt að breyta laginu “Einiberjarunn” í: "Ég á heima á Állandi, Állandi Állandi. Ég á heima á Állandi, Állandinu góða”!!
Reyðarfjörður yrði að Álfirði og Húsavík að Álvík. Miklu flottara.

Svo væri hægt að taka upp nafið Ál.
Droplaug Ál Jónsdóttir.
Álgerður Álsdóttir
Áldór Álgrímsson
Álgeir og Áldís yrðu mjög vinsæl nöfn.
Gælunafnið Áli yrði notað á annað hvert barn sem fæðist.

Breytum svo fánanum okkar úr þessum púkalega bláa hvíta og rauða í bara gráan állitaðan fána. Landið stendur hvort sem er ekki lengur fyrir ís, eld og haf, heldur ál.

Hættum að nota IS sem skamstöfun fyrir landið og notum AL í staðinn.

Ó já, álið er sko málið ... einhverjar fleiri hugmyndir??

2006-03-01T13:59:00.000Z

Sko, Húsavík hefur aldrei verið í miklu uppáhaldi hjá mér, það vita flestir sem að þekkja mig. En núna hafa þeir alveg farið með alla von um að ég eigi einhverntíman eftir að tala fallega um þann bæ!!

Núna sitja þessir Húsvíkingar og bíða og bíða eftir að tilkynnt verði um álverið sem eigi að rísa þar. Eyfirðingar og Skagfirðingar eru þó það klárir, að þeir vilja ekki fá álverið of nálægt sér, og losna því við spillinguna sem því fylgir. En ekki er hægt að segja það sama um húsvíkinga, ó nei.

Ég trúi nú eiginlega ekki að þetta álver verði að veruleika.
Ég neita því að trúa því.
Ég vil ekki fá álver í túnfótinn heima, frekar en ég vil fá álver á Reyðarfirði.
Ég get sagt ykkur það og mun standa við það, að ef þetta álver verður að veruleika, þá flyt ég úr landi fyrir fullt og allt, flyt til Spánar eða Grikklands, nú eða til Ástralíu!!

Annars til hamingju með afmælið í dag, mamma mín. Þetta er þó kannski ekki góður dagur til að halda upp á afmælið ... frekar að drekkja sorgum sínum!

2006-02-27T13:43:00.000Z

Frábær helgi að baki. Fór á föstudaginn í sumarbústaðarferð og það er nú alltaf jafn gott að komast aðeins út úr bænum, fara í heita pottinn, skoða stjörnunar og fara út í gönguferð. Kom svo aftur í bæinn á laugardeginum og fór í afmælisveislu til Fannýar en hún hélt þrusu afmælispartý á Hressó, ásamt nokkrum öðrum Siglfirðingum. Síðan var Háskólakynningin allan sunnudaginn og það var mikið stuð eins og venjulega. Það komu mjög margir að spurja um mannfræðina og fólk sýndi náminu mikinn áhuga. Auðvitað, enda rosa skemmtilegt nám!!

Svo nú er bara að halda áfram að skrifa en fyrst það er nú bolludagur í dag þá verð ég að fá mér bollu, þar sem aldrei þessu vant, fékk ég enga bollu um helgina.

P.s. Harpa mín, það vantar alveg þitt árlega bollukaffi í dag, enda veit ég ekkert hvað ég á eiginlega að gera í dag, ætli ég neyðist ekki til að fá mér vondar bakarísbollur.... það toppar enginn bollurnar þínar!!

Annálspíurnar

2006-02-23T15:15:00.000Z

Annáll á þorrablóti
Originally uploaded by Doppa.

Hérna kemur ein mynd frá þorrablótinu um síðustu helgi. Hérna erum við Heiða að flytja annálin okkar og held ég barasta að okkur hafi tekist nokkuð vel í þetta skiptið.

Þessi annáll var þó ólíkur fyrri annálum, því flestar stelpurnar í hópnum eru komnar á fast og því lítið hægt að segja um strákamálin í þetta skiptið! Nema frá þessum yndislegu og frábæru strákum sem eru svo heppnir að vera komnir inn í hópinn!!

Annars er hægt að sjá fleiri myndir frá þorrablótinu á síðunni hennar Örnu!

2006-02-20T15:41:00.000Z

Dreifaraþorrablótið afstaðið og það tókst bara mjög vel. Þetta var þó meira dreifaradjamm en blót, því það var bara smá þorramatur og engin með skemmtiatriði nema ég og Heiða. Enda þurfti ekki fleiri skemmtiatriði, því okkar var alveg nóg. Síðan var sungið og spilað á gítar og til hamingju Ísland var tekið sem annað hvert lag. Bara gaman af því og alveg frábært að Sævar hafi náð að koma á blótið, svo að við hefðum einhvern gítarleikara. Líka frábært að Silvía Nótt hafi unnið Júróvison.

Síðan var konudagur í gær og ég eyddi honum að mestu með hluta af vinkonugenginu, eða Örnu og Heiðu. Fengum okkur að borða, fórum í sund, og ísrúnt og þetta var alveg yndislegur dagur. Kom svo heim og horfði á Sex and the City, svo þetta var alveg fullkominn konudagur.

Þarf svo að fara að spíta í lófana og reyna að komast eitthvað áfram með blessuðu ritgerðina, hef rúmlega viku til að klára næsta kafla!!

Mikael

2006-02-18T12:35:00.000Z

Mikael
Originally uploaded by Doppa.

Ætla að setja inn eina mynd af litla frænda, honum Mikael, sem er reyndar orðinn stóri bróðir núna.

Hann er eiginlega alltaf glaður og kátur eins og frænka sín!

2006-02-17T11:45:00.000Z

Ekkert blogg í heila viku.

Bæti úr því.

Er búin að sökkva mér niður í heim Rauðsokka, búin að vera að lesa tímaritið þeirra, skoða myndir frá fyrstu fundunum og lesa margt frá þessum tíma. Snildar konur sem þarna voru á ferð. Þær ögruðu viðteknum venjum og margt sem við búum við í dag er þeim að þakka. Áfram Rauðsokkur!!

Annars hefur vikan einkennst af vinkonuhittingi, búin að vera rosalega dugleg að hitta vinkonurnar í mat og kaffi og spjall. Það er alveg ómetanlegt.

Síðan er þorrablót hjá dreifurunum á laugardaginn, 5 skiptið sem að dreifararnir halda þorrablót og það er bara gaman þegar þetta lið hittist til að skemmta sér saman. Sævar kemur alla leið frá Noregi og Heiða alla leið frá Egilsstöðum, svo það er greinilegt að fólk vill alls ekki missa af þessum viðburði. Við Heiða búnar með okkar skemmtiatriði, búið að kaupa matinn og redda söngtextum og gítarspilara, svo það er allt tilbúið fyrir stóra daginn!!

2006-02-10T07:51:00.000Z

Logi sæti á afmæli í dag. Hann er nú orðinn 27 ára gamall og bara búin að ná mér. Mér skilst á henni Fanný vinkonu, að ég sé nú þegar búin að gefa honum bestu afmælisgjöfina en auðvitað fær hann líka alvöru pakka í kvöld.

Til hamingju með daginn Logi minn!!

Margrét

2006-02-09T08:45:00.000Z

Margrét litla
Originally uploaded by Doppa.

Best að setja aðra mynd af Margréti litlu, hérna er hún dagsgömul og strax farin að skoða heiminn.

2006-02-08T14:23:00.000Z

Ekki vissi ég að lífið gæti verið svona frábært á Íslandi. Ég hélt alltaf að hamingjuna væri að finna á ferðalögum erlendis, með því að hitta nýtt fólk og upplifa nýja staði.
Núna hins vegar veit ég að hamingjuna er líka að finna á Íslandi, í daglega lífinu og öllum þeim uppákomum sem verða á hverjum degi.

Enn meiri gleði og hamingja!!

Margrét nýfædd

2006-02-06T17:22:00.000Z

Margrét nýfædd
Originally uploaded by Doppa.

Hérna sjáið þið mynd af Margréti litlu, hérna er hún aðeins nokkura klukkutíma gömul.

2006-02-02T20:51:00.000Z

Yndislegt!!

Doppa frænka á litla frænku!!

Litla frænka kom í heiminn eldsnemma í morgun. Þvílíkt falleg og yndisleg, með mikinn dökkan hárlubba. Ég held svei mér þá að ég hafi aldrei séð svona fallegt barn, nema kannski Mikael þegar hann fæddist.

Gleði og hamingja!

2006-02-01T15:10:00.000Z

Komin 1. febrúar. Ég er sum sé búin með 1. kaflann í ritgerðinni og það þýðir að það er allt á áætlun ennþá.

Er á leiðinni norður á eftir, litla frænka fer vonandi að fæðast á morgun, 020206, fín dagsetning. Ætla að taka mér nokkurra daga frí, þar sem ég var svo dugleg að skrifa allan janúarmánuð. Ætla að stoppa í 4 daga fyrir norðan, skreppa á Þorrablót í sveitinni og svona. Ef ekki farið á þetta þorrablót í 10 ár og verður það fróðlegt að sjá hvort það hafi eitthvað breyst.

Ég vil svo óska Guðfinnu frænku til hamingju með afmælið í gær, hún er nú orðin 24 ára gömul. Það er alveg ótrúlegt að hún sé orðin svona "gömul". Ég man alltaf eftir henni ca 10 ára gamalli, heima í sveitinni að leika við Gunnhildi og Eila í "löggu-og bófa leik". En núna er hún sem sagt að verða fullorðin og er að fara að klára sálfræðina.
Til hamingju með daginn frænka!!

2006-01-30T10:25:00.000Z

Fanný

Fanný sætasta vinkona mín átti afmæli í gær... orðin 25 ára gömul og fer nú alveg að ná mér, held ég. Fanný var svo upptekin alla afmælishelgina að sinna leynimakkinu sínu í Framsókn og ég veit nú ekki hvar sá flokkur væri, ef hann hefði ekki Fanný, ég held að hann myndi bara leggja upp laupana!!

En ég fæ svo að hitta hana í kvöld og þá munum við halda upp á daginn saman. Ég ætlaði að gefa henni litla siglfirska frænku í afmælisgjöf, en það klikkaði eitthvað hjá mér, svo Fanný mín, þú færð eitthvað annað sniðugt frá mér.

2006-01-27T11:39:00.000Z

Australian day

Þjóðhátíðardagur Ástrala var í gær. Það hefði nú verið gaman að vera á ströndinni einhverstaðar í Ástralíu og halda upp á daginn með fólkinu þar. En því miður, þá var ég heima á Íslandi og vegna anna, þá gat ég ekki haldið upp á daginn. En þrátt fyrir það, þá var þetta alveg yndislegur dagur.

Einn af hápunktum dagsins, var máta flottasta bleika kjól sem ég hef nokkurn tíman á ævinni séð. Þetta var níþröngur, hnésíður og aðskorinn bleikur Dolce & Gabbana kjóll... jebb, haldiði ekki að mín hafi bara skellt sér í Sævar Karl og mátaði þar þennan æðislega kjól. En ég gerði nú ekki meir en að máta hann, námsmannabuddan mín gerir ekki ráð fyrir svona dýrum fatakaupum en það er alltaf gaman að máta og láta sig dreyma og ég get svarið það, að í smá stund, hélt ég í alvörunni að ég væri Carrie Bradshaw.

En þegar ég verð orðin fræg og rík mannfræðingur (N.B. þetta er skrifað í kvenkyni af ásettu ráði) þá kaupi ég mér pottþétt svona flottan kjól.

En það má segja að ég hafi grætt á þessari búðarferð minni, ég fékk að vísu ekki kampavín eins og maður fær víst í Prada í New York en ég fékk þetta fínasta expressó kaffi og fyrir kaffifíkil eins og mig, þá var það alveg frábært. Ég á sko pottþétt eftir að koma aftur þangað.

En það er komin enn ein helgin og það verður sko ýmislegt skemmtilegt gert
Góða helgi.

2006-01-23T11:22:00.000Z

Vá, það er bara byrjað að vera bjart á morgnanna. Á nokkrum dögum, hefur birtan aukist svo mikið. Ég var bara fyrir stuttu sínan, hérna á skrifstofunni “minni” að reyna að skrifa og rembast við að halda mér vakandi með nokkrum bollum af kaffi, því það var svo dimmt úti klukkan 10 á morgnanna. En núna er bara orðið bjart klukkan 10. Sem þýðir að janúar er alveg að verða búinn og það þýðir að ég á að vera búin með einn kafla, sem þýðir að það eru 3 eftir, sem þýðir að það verður komið sumar áður en ég veit af!

Kominn mánudagur, fín helgi að baki. Heiða kom á föstudaginn og höfðum við stelpurnar bóndadagsdinner á Birkimelnum eins og síðast. Arna eldaði fyrir okkur og síðan var það ekta stelpukvöld hjá okkur, vax, lit og plokk, stelpu-dvd-mynd með MR. BIG, og fullt fullt af nammi. Alveg yndislegt kvöld!!

Kíkti svo á djammið á laugardeginum, fyrst í afmæli til Guðfinnu frænku og hitti líka Gunnhildi, þær eru svo yndislegar þessar frænkur mínar. Síðan var farið á Hressó og dansað og dansað og það var sérstaklega gaman að hitta Önnu Dögg og taka smá sveiflu með henni á dansgólfinu!!

Síðan er farið að styttast í að litla frænka eða litli frændi fæðist ... vá ég er orðin svo spennt, um leið og kallið kemur verð ég farin norður.

2006-01-19T14:35:00.000Z

Núna fer allt að skýrast hvernig þessi önn verður hjá mér. Ef til vill síðasta önnin mín í Háskólanum! Það er mjög skrítið að hugsa til þess að ég eigi aldrei aftur eftir að vera nemandi hérna við HÍ, ef ég kem aftur, þá verður það vonandi til að kenna.

En það verður svona í aðalatriðum nóg að gera hjá mér þessa önnina, einn aðferðafræðikúrs, þar sem ég verð áfram að taka viðtöl og greina þau og svona skemmtilegt. Svo þar ég að skrifa 80 blaðsíður í viðbót af MA-ritgerðinni, helst fyrir maí byrjun og svo verð ég að vinna 2-3 kvöld í viku. Sem sagt nóg að gera hjá mér og ekki gert mikið ráð fyrir djammi eða neinu svoleiðis. Nema auðvitað þorrablótið, það er búið að gera ráð fyrir því á planinu!!

Annars var Arna vinkona og sambýlingur að ná sveinsprófinu í snyrtifræði um helgina.... ekkert smá frábært og hef ég fengið að njóta góðs af því síðasta árið eða svo. Svo það verður sko haldið upp á það um helgina. Til hamingju Arna mín.

Svo kemur Heiða Egilsstaðabúi í borgarferð um helgina, það verður nú gaman að hitta hana og heyra sögur úr sveitinni.

En jæja, janúar er að verða búin og ég verð að halda áfram með kaflann minn.....
later.

2006-01-13T13:49:00.000Z

Æðislegt að vakna í morgun og sjá að það er allt á kafi í snjó (svona að minnsta kosti miðað við Reykjavík, þá er allt á kafi!!). Ég vona að snjórinn haldist nú eitthvað, það er svo upplífgandi svona í skammdeginu að hafa snjó, því að birtir svo mikið af snjónum. Svo er líka um að gera að finna barnið í sjálfri sér og fara í snjókast, búa til snjókarl og snjóengla. Ohh ég hlakka til!!

Vikan búin að vera mjög ljúf, ég er búin að vera niðrí skóla á hverjum degir og er langt komin með kenningarkaflann í MA-ritgerðinni minni. Enn er þó fullt eftir.

Síðan er ég búin að vera að hitta allar vinkonurnar og vinina aftur eftir jólafríið...
Mánudagur ... kaffi með Kristrúnu,
Þriðjudagur ... kafffi með Önnu Dögg,
Miðvikudagur ... kaffi með Hörpu og Siggu,
Fimmtudagur ... út að borða með Örnu, Fanný og Díönu.
Föstudagur ... kaffi með mannfræðigrúppunni í Odda
Vá ... ég elska svona vikur. Nóg spjalla, um lífið, tilveruna, skólann og stráka, drukkið nóg kaffi og borðað eitthvað gott með ... já þetta er yndislegt líf!!

DV-málið... æ ég ætla ekkert að eyða orku minni í það. Það eru svo rosalega margar hliðar á þessu máli og ég ætla að láta öðrum eftir að vera brjálaðir og reiðir út af þessu máli. Ég vil þó segja að ég mundi aldrei kaupa DV en þeir hafa þó oft sagt frá mikilvægum málum, meðan aðrir þegja og ég er mjög ánægð með það. Fyrst að dóms- og lagakerfi okkar er stórgallað og það getur ekki tekið almennilega á málum eins og kynferðisbrota málum, þá finnst mér mikilvægt að aðrir taki á þeim málum. Síðast núna í fréttablaðinu í morgun segir að lögreglan taki ekki almennilega á brotum er varða kynferðisbort, sýni ekki nægan áhuga og geri ekki nóg en þegar um innbrot er að ræða, þá sinna þeir málinu almennilega. Það er aðeins um 6% sem kæra kynferðisbrot til lögreglu.... 6%, viljiði pæla. Eins og ég segi, þetta lagakerfi okkar er alveg handónýtt og fyrst að það er ekki hægt að kæra þessa glæpamenn, þá vil ég að DV birti nafn og mynd af þeim, svo þeir komist ekki upp með svona glæpi.

En það er bara mín skoðun.

What else?

Jú, sá líka í fréttablaðinu að ofurhljómsveitin Langi Seli og Skuggarnir eru með comeback!! Hver man ekki eftir laginu Rabbi rotta, sem þeir gerðu vinsælt í kringum 1990? Ég man að platan þeirra var mikið spiluð heima hjá mér og það verður gaman að heyra í þeim aftur, hvort þeir eru ennþá eins miklir sjarmörar og þeir voru á sínum tíma.

En læt þetta gott af blaðri í dag... góða helgi!!

2006-01-11T16:36:00.000Z

Mikael sætasti frændi minn á afmæli í dag, er orðin tveggja ára.

Síðan eftir nokkra daga verð ég aftur móðursystir og það er mikill spenningur í gangi. Ég er bæði búin að prjóna bláa peysu og bleikan kjól, svo ég er alveg með á hreinu, hvernig eigi að móta stráka"eðlið" og stelpu"eðlið" alveg frá byrjun.

2006-01-09T15:23:00.000Z

Tónleikarnir langþráðu voru núna um helgina. Dóra systir kom í bæinn og við fórum saman á tónleikanna og þvílík upplifun. Það var náttúrlega magnað að sjá bæði Björk og SigurRós en þegar Damien Rice kom á sviðið og tók The Blowers Daughter, þá var það hápunktur kvöldsins. Þvílíkt magnaður tónlistarmaður. Síðan voru hin tónlistaratriðin mjög góð, Egó mjög góðir, og Ham og Hjálmar og fleiri. Eiginlega voru öll atriðin góð, bara mislöng.

Svo má nú ekki gleyma því að þessir tónleikar voru til styrktar mjög góðum málstað, til verndun íslenskrar náttúru. Á milli atriðanna voru svo allskonar upplýsingar um stóriðju framkvæmdir stjórnvalda, sýndar myndir frá svæðum sem á að sökkva undir vatn og sýnt hvaða ár og vötn eru næst í þessari virkjunarbrjálaði sem nú herjar á landið.

Allir þessir listamenn sem komu fram, gáfu vinnu sína og t.d. Damon Albarn samdi lag og ljóð gegn álversverksmiðjum. Damien Rice hvatti fólk líka til að sjá af sér og reyna að halda Íslandi hreinu og ómenguðu. Það er alveg merkilegt að fólk þarf að fá útlendinga til að segja sér hversu einstök og stórmerkileg íslensk náttúra er. Síðan voru eins og Björk og SigurRós og fleiri íslenskir flytjendir, harðir á sinni andvirkjunarskoðun. Síðan voru teknar fyrir nokkrar “staðreindir” um kárahnjúkavirkjun og þarna komu fram ýmis rök, sem ekki fá að heyrast í fjölmiðlum.

Svo þessir tónleikar voru í allan stað stórmerkilegir og ég vona að þetta hafi aðeins vakið fólk til umhugsunar um náttúruvernd og vonandi verður síðan hætt við Kárahnjúkavirkjun, en ef ekki, þá vonandi verða ekki stíflaðar fleiri ár og ekki reist fleiri álver hér á landi.

Já, svo mörg voru þau orð. Ég veit líka, að mörg ykkar eru alls ekki sammála mér.... en bíðið bara.... þið munuð átta ykkur... vonandi fyrr heldur en síðar !!!

2006-01-03T23:10:00.000Z

Gleðilegt ár kæru vinir, vandamenn og laumulesarar og takk fyrir að fylgjast með mér á blogginu á síðasta ári.

Það verður ekkert ársuppgjör á síðunni doppaskoppa, ef fólk vill rifja upp árið, þá er lítið mál að skoða síðustu færslur.

En árið var bara alveg frábært í alla staði og ég hef það á tilfinningunni að þetta ár verði enn betra!! En hvað mun gerast er ómögulegt að segja. Vonandi næ ég að klára MA-ritgerðina í vor og ég hef eiginlega ekki hugmynd um hvað ég geri svo. Vandamálið er að möguleikarnir eru allt allt of margir, svo ég hef eiginlega ekki hugsað um hvað ég fari að gera næsta vetur. Því fyrsta mál á dagskrá er að klára skólann og ef það tekst ekki, þá fara öll önnur plön í vaskinn, svo ég hef bara ákveðið að plana ekki neitt og láta bara allt ráðast, það hefur alltaf reynst best. Svo eru mörg önnur atriði í mínu lífi þessa dagana sem að ómögulegt er að segja til um, en árið verður að leiða það í ljós eins og allt annað.

En það sem skiptir máli er að ég er ánægð og er ánægð á þeim stað sem ég er á í lífinu. Meira er ekki hægt að biðja um.

Annars er ég komin í bæinn aftur eftir alveg yndislegt jólafrí í sveitinni. Ég tók mér meira að segja almennilegt frí og lærði eiginlega bara 1 dag. Sem ég held að ég hafi bara alveg átt skilið, og ekki veitt af, því núna byrjar löööng vinnutörn, sem að vonandi klárast í vor. En ég nýtti jólaríið vel í afslöppun og rólegheit í sveininni. Áramótunum varði ég líka í sveitinni og byrjaði nýja árið vel. Ó já, yndislegt í sveitinni en gott að vera komin aftur heim í rútínuna, þó að það sé gott og gaman á jólunum, þá er ég fegin að komast aftur í daglega lífið.

Hlakka til að hitta ykkur öll sem fyrst á nýja árinu.

2005-12-24T14:13:00.000Z

Gleðileg jól öllsömul

Síðustu daga hafa einkennst af bakstri, þrifum, og skautaferðum. Alveg hreint yndislegir dagar hérna í sveitinni fyrir norðan.

Styttist í jólin og ég vona að þið eigið öll gleðileg jól og hafið það gott.

Jólakveðja
Doppa

2005-12-20T15:02:00.000Z

It's an end of an era!!

Heiða mín flutt austur í sæluna til Palla síns, hennar verður sárt saknað en það er þó gott að hafa um fleiri gististaði að velja á Egilsstöðum.

Fanný mín farin til Mexíkó, þar sem hún verður um jólin með pabba sínum og systur, vá ég er alveg græn af öfund út í hana en ég veit að hún á eftir að skemmta sér þrusu vel, svona eins og henni einni er lagið.

Díana mín er farin austur til Neskaupsstaðar í jólafrí en sem betur fer kemur hún nú aftur eftir áramótin, stórir hlutir bíða hennar Díönu á næsta ári, svona eins og venjulega.

Arna mín er farin til Akureyrar en er komin aftur. Hún fer norður um jólin og svo er hún alveg að fara að klára sveinsprófið sitt, eftir mánuð verður Arna orðin útskrifaður snyrtifræðingur!!

Ninna mín er komin heim til Íslands í jólafrí en fer strax eftir áramót til Egyptalands... Ninna Egyptalandsfari.... verður hún kölluð héðan í frá. Vá, ég er sko ekkert abbó... eða þannig!!

Súsí og Valberg eru á jóladag á leiðnni til ÁSTRALÍU, ó já, ætla að vera þar næsta mánuðinn. Og ekki orð um það meir.... ég vil helst ekki vita um fólk sem er að fara til Ástralíu, því ég verð svo afbrýðissöm!!!

En ég sjálf er á leiðinni norður í sveitina á morgun. Ég held að þrátt fyrir allt, þá er það besti staðurinn í heimi og ég vildi ekki vera á leiðinni neitt annað.

2005-12-14T22:10:00.000Z

Smá stikkorðablogg vegna tímaleysis

Helgin – frábær

Bréfaskrif Amnesty
Dívurnar
Styrktartónleikar Amnesty
Kaffihús

Vikan – líka frábær

Ninna komin heim
Búin að fara í vax og lit og plokk
Meiri kaffihús
Skemmtilegur hádegisfundur um konur og karla í fjölmiðlum, eða réttara sagt, karla í fjölmiðlum og fjarveru kvenna í fjölmiðlum
Jólagjafastúss með Heiðu og Signý
Klára lokaskýrslu
Hlusta á jóladiskinn með Páli Óskari og Moniku og diskinn með Ragnheiði Gröndal
Hitta aftur hressa gaurinn sem hatar femínista
Borða góðan mat

Og vera glöð :)

2005-12-09T15:01:00.000Z

Annað skemmtilegt!!!

JafnréttisSUDOKU

Ég varð ein af þeim sem varð húkt á SUDOKU í sumar og tóks sem betur fer að losna undan þeirri fíkn. Síðan sá ég þessa skemmtilegu útgáfu af leiknum. Og þetta er miklu skemmtilegra sudoku, mæli með að fólk spreyti sig.

Síðan eru fleiri skemmilegir jafnréttisleikir á þessari síðu, það er t.d. hægt að púsla og svona......
Frábært, nú má ég ekkert vera að því að læra!!

2005-12-09T14:54:00.000Z

Kaffidrykkja er góð!!

Alltaf gaman af þessum rannsóknum , núna segja fræðimenn að kaffidrykkja geti minkað lifrarskemmdir.

Jæja, það er nú gott að heyra, ég veit ekki hvar ég væri án kaffisins þessa dagana. Held að ég sé búin með 3 bolla í dag!!

2005-12-08T09:16:00.000Z

Sem af er þessu ári, er ég búin að fara í 2 bókaútgáfuveislur, í gær bættist sú 3ja við.

1. var á Akureyri - Á sal í Menntaskólanum á Akureyri
2. var á Egilsstöðum - Um borð í Lagarfljótsorminum
3. var í Reykjavík - Í Skólabæ

Ég er sem sagt komin í góða æfingu í svona veislum, en þrátt fyrir að hina tvær hafi verið mjög skemmtilegar, þá stendur veislan í gær uppúr.

Þar voru samankomin mikið af "merka" fólkinu á Íslandi. Sú sem mér fannst langt merkilegast að hitta og tala við, fyrir utan bókarhöfundinn auðvitað, var frú Vigdís Finnbogadóttir. Og þegar hún kom og fór að spjalla við okkur, var það algjörlega hápunktur kvöldsins. Þarna var líka rektor háskólans, menntamálaráðherra, fyrrvernandi alþingismenn, fyrsta íslenska konan til að vera sendiherra, tilvonandi sendiherra, framkvæmdarstjóri sjálfstæðisflokksins, prófessorar í Háskóla Íslands, og að ógleymdum Hannesi Hólmsteini, sem ég spjallaði líka örstutt við. Já, best að fara ekki nánar út í það hér.

Svo tókst mér að næla mér í boð í tvær aðrar bókaútgáfuveislur, önnur meira að segja hjá honum Hannesi vini mínum. Eins gott að ég er komin í góða þjálfum í svona veislum.

En þessi veisla var mjög merkileg, meðalaldurinn var um 60 ár, svo við vorum lang yngst þarna. Ég verð nú að viðurkenna, að í byrjun langaði mig langt mest að fela mig út í horni, fannst ég ekki alveg passa þarna inn í og þekkti mjög fáa! En sem betur fer hafði ég með mér alveg yndislegan herra, sem stóð eins og klettur við hlið mér, því annars hefði ég aldrei þorað að fara. Svo þegar leið á kvöldið, (og líka hvítvínsglösunum fjölgaði), þá hætti ég að vera feimin og fór að tala við fólkið, svo núna má segja að ég hafi aðeins aukið við tengslanetið mitt.

Næsta mál á dagskrá er þá að skrá mig í sjálfstæðisflokkinn ;-)

2005-12-05T20:08:00.000Z

Plástrum réttarkerfið!!

Í tilefni þessa 16 daga átaks gegn kynbundnu ofbeldi, þá verur aðgerð á morgun, 6. desember, að sýna fram á hversu veikt réttarkerfið okkar er, þegar kemur að ofbeldismálum, til dæmis heimilisofbeldi, naugðunum og misnotkun. Aðeins örfáar konur kæra, flestar treysta sér ekki til þess, t.d. vegna þess að málin eru fyrnd, konur treysta því ekki að þeim sé trúað eða hafa enga trú að því að réttlætið nái fram að ganga.

Þessu vil ég breyta og ég er viss um að þið viljið það líka. Það er hægt að sína viljann í verki og mæta við næsta héraðsdómstól og stuðla að heibrigðu réttarkerfi.

Ég ætla að mæta fyrir utan héraðsdómstólinn í Hafnarfirði. Ég verð þar ásamt fríðu föruneyti, ég verð þar með smá upplestur og smá gjörning. Endilega komið sem flest og styðjið gott málefni, nú eða styðjið mig. Ef þið nennið ekki alla leið í Hafnarfjörð, þá er hægt að mæta við Héraðsdóm Reykjavíkur, sérstaklega ef þið viljið koma í fréttunum.

Staður: Næsti hérðasdómstóll
Helst hérðasdómstóll Reykjaness í Hafnarfirði, ef þið viljið sjá mig

Stund: Þriðjudagurinn 6. desember, kl 17:00

2005-12-04T16:58:00.000Z

Ég á yndislegustu og bestu vinkonur í heimi!!

Við vinkonuhópurinn héldum saman litlujól í gær, þar sem að hópurinn splittast upp um jólin og hver fer til síns heima, þá var ákveðið að eiga saman góða kvöldstund. Þetta heppnaðist alveg æðislega vel, við borðuðum góðan mat saman, sem Arna töfraði fram, svo voru pakkar og mikið spjallað og hlegið og voru allir sammála um að kvöldið hefði heppnast fullkomlega. Þessar stúlkur eru allar yndislegar á sinn ólíka hátt og ég er svo heppin að þekkja þær.

Takk kærlega fyrir mig.

2005-12-03T13:56:00.000Z

Yesssss

Er að fara á tónleika 7. janúar!!

Fæ að sjá Damien Rice, Sigur Rós, Björk, Hjálma og fleiri góðar hljómsveitir!!

Málstaðurinn - hann er góður.

Efla náttúruvernd á Íslandi og benda fólki á að náttúra Íslands er ekki sjálfsögð uppspretta raforkuvera eða álvera.

Allir tónlistamennirnir gefa vinnu sína fyrir málstaðinn

Yesssss

2005-12-02T13:46:00.000Z

Karlaráðsefnan var í gær og ég var ekki þar. Mátti ekki vera þar, af því að ég er kona. En það er allt í góðu lagi. Það er góð tilfinning að vita það, að nú eru aðrir farnir að taka þátt í jafnréttisbaráttunni, það var ráðsefna um jafnréttismál og ég gat sofið út og ekki haft neinar áhyggjur af þessu. Ég á nú samt eftir að lesa yfir erindin og kynna mér betur hvað fór þarna fram, áður en ég get lagt meira mat á þessa ráðstefnu, en í heildina held ég að þetta hafi nú bara heppnast nokkuð vel.

Gaman að sjá að stór hluti karla er tilbúin að taka þátt í jafnréttisbaráttunni þannig að hún sé ekki lengur bara kvennamál.

2005-11-27T19:34:00.000Z

Jæja, nenni ekki að læra og ákvað að herma eftir Fanný, Sævari og Ólafi...

Hver er Doppaskoppa?

Tékkið á því.... takið prófið!!!

Hehe, það verður gaman að sjá, hverjir hafa virkilega hlustað á allar sögurnar mínar frá ferðalögunum mínum! En svo er líka inn á milli allskonar hlutir sem allir eiga að geta vitað og líka skemmtilegur fróðleikur um Doppuskoppu.

2005-11-27T14:03:00.000Z

Þá er fyrsta dreifara barnið fætt.

Þeim Guðjóni og Hönnu fæddist lítill sonur í nótt, hjartanlega til hamingju með litla prinsinn bæði tvö.

Svo er nú bara spurninginn hver verður næstur/næst?

2005-11-26T16:47:00.000Z

Kvennalistinn...

... var hann langt á undan sinni samtíð?

Ég hef nú verið aðeins að spá í Kvennalistann sáluga og stefnumál hans. Eitthvað sem ég hef verið að skoða fyrir ritgerðina mína og ég hef komist að því að Kvennalistinn var langt á undan sinni samtíð.

Ekki bara þetta augljósa um að berjast almennt fyrir jöfnum rétti kvenna og karla, heldur setti Kvennalistinn til dæmis mjög snemma fram frumvarp um fæðingarorlof karla. En þá var eiginlega bara hlegið að þeim, hvílík endemisvitleysa þetta væri nú, að karlmenn þyrftu eitthvað að hætta að vinna þó að þeir yrðu feður. Það héldu menn nú ekki.

Í dag, þá skiptast framsóknarmenn og sjálfstæðismenn á um að eigna sér þetta frumvarp. Ég hef heyrt báða flokka eigna sér þetta frumvarp en engin minnist á það að það var í raun Kvennalistinn sem fyrst barðist fyrir þessum málum.

Í öðru lagi varðandi réttindi samkynhneigðra. Nú er í býgerð þetta fína frumvarp sem hefur það að markmiði að samkynhneigðir fái sömu réttindi og aðrir. Dóri Gríms ætlar nú aldeilis að slá í gegn og þarf að grípa til róttækra aðgerða til að auka við vinsældir sínar. “Hei, já, hvernig væri að veita samkynhneigðum sömu réttindi og öðrum, það hlítur að hífa upp vinsældir mínar og flokksins!!”

En .... viti konur .... kvennalistinn setti málefni samkynhneigðrar á sína stefnuskár fyrst allra stjórnmálaflokka á Íslandi.

Ó já, það eru örugglega til fleiri dæmi sem sannar þessa tilgátu mína.
Vonandi er samfélagið loksins að vera tilbúið fyrir jafnrétti í raun,
fyrir alla, konur og kalla!!!

2005-11-25T12:42:00.000Z

Til hamingju með daginn!!

Í dag er sem sagt alþjóðlegur baráttudagur gegn kynbundnu ofbeldi.

Fór á mjög skemmtilegan morgunverðarfund í morgun.

Hann var á vegum UNIFEM og það var verið að starta þessu 16 daga átaki.

Það var mjög ángæjulegt að heyra að nýji utanríkisráðherran okkar, hann Geir H. Haarde, ætlar að auka framlag ríkisstjórnarinnar í ofbeldissjóð UNIFEM. Þessi styrktarsjóður fjármagnar verkefni um allan heim, sem hefur það markmið að útrýma ofbeldi gegn konum, í hvaða formi sem það birtist.

Fyrst ég er farin að tala um þessa blessuðu ráðherra, þá má ég nú ekki gleyma honum Birni Bjarnasyni, sem er nýjibestivinur allra femínista á landinu. En hann hefur lagt fram frumvarp, þar sem heimilisofbeldi er lýst sem sérstökum refsinæmum verknaði.

Það hefur nefnilega ekki verið áður og þess vegna hefur það verið mjög erfitt fyrir þolendur heimilisofbeldis að kæra slíkan verknað. En, vonandi nær þetta frumvarp í gegn, svo það verði loksins hægt að taka á þessum hryllilegu ofbeldismálum.

Ýmislegt á döfinni greinilega.

Eruð þið ekki glöð og ánægð að ég skuli koma þessu á framfæri til ykkar?

2005-11-25T12:20:00.000Z

Snilld!!

Lenti í gær “óvart” í rauðvínsdrykkju og snittuát. Ég virðist vera dugleg að finna viðburði hérna í Háskólanum, þar sem að boðið er upp á “léttar veitingar”. Núna fer ég ekki í neinar Vísindaferðir lengur, en samt er ég dugleg að þefa uppi aðra viðburði þar sem vín er haft um hönd.

Ég fór sem sagt á Uppskeruhátíð jafnréttisnefndar í tilefni jafnréttisviðurkenningar Jafnréttisráðs 2005 til Háskóla Íslands hvorki meira né minna.

Þar var auðvitað mannfræðingur að tala og ég fór sem sagt til að hlusta á hann. Síðan kom í ljós að það voru léttar veitingar í boði, og auðvitað segir kona ekki nei við slíku boði.

Sérstaklega ekki þar sem að er sameinað jafnréttismál og rauðvín... því bæði þessi atriði eru álíka mikilvæg í mínum augum!

2005-11-24T15:31:00.000Z

Ætla samt að nota tækifærið og minna fólk á átak sem hefst á morgun.

Þetta er 16 daga átak gegn ofbeldi á konum. Það hefst á morgun, 25. nóvember, því það er alþjóðlegur baráttudagur gegn kynbundnu ofbeldi, og endar 10. desember, sem er hinn alþjóðlegi mannréttindadagur. Þannig er á táknrænan hátt búið að tengja saman kynbundið ofbeldi og mannréttindi, og sýnt fram á að slíkt ofbeli er ekkert nema brot á grundvallar mannréttindum.

Ég veit að allir eru rosalega uppteknir og það eru að koma próf og jólastress og allt sem því fylgir. En fólk er ALDREI svo upptekið að það geti ekki lagt góðu málefni lið. Ég skora því á alla að kynna sér dagskránna sem er að finna hér

og skoða heimasíðu UNIFEM

þar sem að meira er sagt frá þessu átaki, en það er einmitt UNIFEM ásamt 25 öðrum félögum, sem sér um að skipuleggja þessa dagskrá.

Takk takk – þið eruð æðisleg!!!

2005-11-24T15:27:00.000Z

Jæja, ég held að ég taki mest mark á Hörpu, einhver verður að halda uppi umræðinni og ég skal alveg taka það að mér!! En vissulega tek ég tillit til hinna og reyni að koma með ýmislegt annað en femínisma inn á milli. Slúður..... hmmm það veit ég hins vegar ekki um. Í fyrsta lagi er ég ekki góður slúðrari og ef ég frétti eitthvað slúður, þá er það yfirleitt leindó, svo ég fer nú varla að setja það á bloggið!!

En í sambandi við að slúðra kannski um mín persónulegustu mál, þá reyni ég að sleppa því að setja eitthvað um það hingað. Þeir sem vilja innsýn í þau mál, er bent á að mæta á stelpukvöld hjá okkur, því þar er ýmislegt persónulegt sagt. Það hafa nú stundum nokkrir heppnir strákar fengið að koma á þannig kvöld og þeir eru örugglega margs vísari.

En eins og ég segi, þar sem ég lifi og hrærist í femínisma í augnablikinu, þá er eiginlega óhjákvæmilegt annað en að þessi bloggsíða endurspegli það. Það er nú yfirleitt það sem gegnur á í mínum huga, svo ósjálfrátt fer ég að skrifa um það.

Eins og þegar ég var að skrifa BA ritgerðina mína, þá lifði ég og hrærðist í einhverjum hár-heimi og allt sem ég sá eða heyrði gat ég á einhvern hátt tengd því. Eða sá bara og heyrði það sem ég vildi sjá og heyra, því ég gat tengt það við ritgerðina. En það tímabil er liðið, svo þetta mun minnka með tímanum.

En í bili, þá verður síðan áfram bleik- um leið og liturinn fer að breytast, þá breytast áherslurnar!!!

2005-11-23T12:40:00.000Z

Getur það verið að það sé allt of mikið skrifað um femínisma á þessari síðu?

Eru kannski allir löngu hættir að nenna að lesa bloggið mitt, útaf þessu “femínistakjaftæði”??

Á ég að fara að skrifa meir um eitthvað annað (eitthvað skemmtilegt)??

Koma svo ... látið heyra í ykkur !!

2005-11-22T14:20:00.000Z

Enn ein helgin búin.

Samdrykkjan okkar heppnaðist svona svakalega vel. Það mættu um 30 manns sem var mikilu meira en við þorðum að búast við. Miklar umræður í lokin og flestir duglegir að fá sér bjór og eitthvað annað hjartastyrkjandi. Það var líka mjög gaman að sjá nokkra BA nemendur og hitta þá og spjalla við þá. Það er örugglega líka gaman fyrir þau að sjá að það er líf í mannfræðinni eftir BA.

Föstudagurinn og afmælið hjá Díönu var alveg meiriháttar skemmtilegt. Við vinkonurnar áttum mjög góðan dag og ennþá skemmtilegra kvöld. Ég er búin að setja fleiri myndir inn á myndaalbúmið mitt, það var lengi vel bara 2 myndir þar en ég er búin að setja inn nokkrar myndir frá föstudagskvöldinu.

MA-ritgerðin um kvennahreyfingar gengur mjög hægt ... en ég hef nú alveg 6 mánuði til stefnu ... það getur ýmislegt gerst á þeim tíma!!

2005-11-18T04:24:00.000Z

Díana Dögg Dillibossi á stórafmæli í dag.

Til hamingju með daginn elsku vinkona.

Í tilefni dagsins verður örugglega eitthvað skemmtilegt gert. Það er nefnilega pottþétt að þegar mínar frábæru og yndislegu vinkonur hittast, þá er alltaf eitthvað eftirminnilegt sem að gerist. Við ætlum nefnilega að halda upp á daginn á Hressó og geri ég fastlega ráð fyrir að við verðum mjög hressar annað kvöld á Hressó.

Annars á líka önnur vinkona mín afmæli í dag, til hamingju með daginn Systa mín, ef svo ólíklega vill til að þú lesir þetta.

2005-11-17T14:47:00.000Z

Samdrykkja í kvöld!!

Í kvöld ætlar Samfélagið, félag nema í félagsvísindadeild Háskólan, að halda samdrykkju á efri hæð Kaffi Victor kl. 20:00.

Í kvöld eru að hinir frábæru og skemmtilegu mannfræðingar sem sjá um að halda uppi fjörinu. Þeir sem halda erindi eru Dr. Sveinn Eggertsson, lektor í mannfræði, og Hjálmar Sigmarsson, M.A. nemi í mannfræði.

Sveinn mun fjalla um hvernig neytendur skapa sjálfsmynd sína og þeirra sem þeir kaupa fyrir með innkaupum sínum og hvernig siðferðileg afstaða neytenda hefur áhrif á val þeirra.

Erindi Hjálmars nefnist: „Þeir duglegu og menntuðu eru að meika það.“: Sjálfsmynd Íslendinga út frá hugmyndum um vinnudyggð og iðjusemi. Mun Hjálmar fjalla um hugmyndir Íslendinga um vinnu og iðjusemi og áhrif þeirra á líf einstaklinga.

Svo í lokin verða skemmtilegar umræður og það verður auðvitað opinn barinn og tilboð á barnum.

Allir velkomnir.... endilega ekki missa af þessum frábæra viðburði.

Gott tækifæri að heyra mannfræðinga tala og sjá og heyra að mannfræði er ekkert mannlegt óviðkomandi.

Svo hringið í mig, eða bara mæta á Kaffi Victor kl. 8 í kvöld!!

2005-11-16T13:20:00.000Z

Femínistar

Hitti mjög skemmtilegan mann á kaffistofunni í odda í gær. Ég sat þar, aldrei þessu vant og var að fá mér kaffi með 2 Amnesty gellum og við vorum að ræða málin. Þá kemur þessi líka hressi gaur til okkar og fer að tala um femínisma við okkur, hvað þær séu nú ömurlegar og ég veit ekki hvað og hvað.

Og hann sagði að það hefði verið staðreynd að í gamla daga þá hafi allir femínístarnir verði ljótir og hann sagðist ekki skilja þessar sætu stelpur í dag sem að væru femínístar. Það væri nú eitthvað mikið að hjá þeim. Annað hvort hefðu þær verið misnotaðar eða þær þjáðust af túrverkjum eða fullnæingarvandamálum. Og ég veit ekki hvert við ætluðum.... við gátum einfaldlega ekki haldið niðrí okkur hlátrinum.... við erum nefnilega allar sem uppfyllum þenna flokk, að vera drop dead gorgeous og vera líka femínistar og engin af okkur kannaðist við neitt að þessum vandamálum.....

Alltaf mjög hressandi að hitta svona fólk.

Ég held þá að doktorsrannsóknin mín sé þá komin, grafa upp gamlar rauðsokkur og sýna að þær hafi allar verið ljótar og átt við ýmis vandamál að stríða. Einnig ætla ég þá að tala við ungar myndarlegar og klárar stelpur í dag sem kalla sig femínista og komast að því hvað er í raun og veru að þeim.